ஷா ஆலம், அக் 28- ஏற்கனவே ஒத்தி வைக்கப்பட்ட சிலாங்கூர் மாநில சட்டமன்றக் கூட்டத் தொடர் வரும் நவம்பர் 23ஆம் தேதியன்று தொடங்கும். இக்கூட்டத் தொடரின் இரண்டாம் நாளன்று 2023 ஆம் ஆண்டிற்கான வரவு செலவுத் திட்டம் தாக்கல் செய்யப்படும். இந்த கூட்டத் தொடர் நவம்பர் 23 முதல் 24 வரையிலும், நவம்பர் 28 முதல் 30 வரையிலும், டிசம்பர் 5 முதல் 6 வரையிலும் நடைபெறும். நவம்பர் 25ஆம் தேதி பட்ஜெட் தாக்கல் செய்யப்படும் என்று சட்டமன்ற அலுவலகம் தெரிவித்தது. வரவு செலவுத் திட்டத்தை மந்திரி புசார் டத்தோஸ்ரீ அமிருடின் ஷாரி மாலை 3.00 மணிக்கு தாக்கல் செய்வார். அக்டோபர் 28, அக்டோபர் 31, நவம்பர் 1 முதல் 4 மற்றும் நவம்பர் 7 முதல் 10 வரை நடத்தப்பட வேண்டிய சட்டமன்ற கூட்டத் தொடர் 15 வது பொதுத் தேர்தல் காரணமாக ஒத்திவைக்கப்படுவதாக சட்டமன்ற அலுவலகம் கடந்த 20ஆம் தேதி அறிவித்தது.
சட்டமன்றக் கூட்டம் நவம்பர் 23இல் நடைபெறும்- 25ஆம் தேதி படஜெட் தாக்கல்
