ஷா ஆலம்,பிப் 15: பெட்டாலிங் ஜெயா சிட்டி கவுன்சில் (எம்பிபிஜே) உள்ளூர் சமூகத்துடனான தனது உறவை வலுப்படுத்தும் நோக்கத்துடன் சீனப் புத்தாண்டு கொண்டாட்டத்தை நேற்று ஏற்பாடு செய்தது.
பெட்டாலிங் ஜெயாவின் டத்தாரன் பவுல்வர்ட் செக்சென் 52 இல் நடைபெற்ற வருடாந்திர கொண்டாட்டத்தில் பெட்டாலிங் ஜெயா மேயர் முகமது அஷான் எம்.டி அமீர் கலந்துகொண்டார் என்று அதன் கார்ப்பரேட் கம்யூனிகேஷன்ஸ் பிரிவின் செய்தித் தொடர்பாளர் தெரிவித்தார்.
“இந்த முறை சீனப் புத்தாண்டு கொண்டாட்டத்தின் போது, சிலாங்கூரில் பெட்டாலிங் ஜெயாவை ஒரு கலை நகரமாக மேம்படுத்தும் முயற்சியில் சீன கலாச்சாரத்துடன், மாநிலத்தில் உள்ள பல்வேறு இனங்களின் கலாச்சார நிகழ்ச்சிகளையும் இணைத்து சிறப்பித்தோம். “மறைமுகமாக, இன ஒற்றுமையை வலுப்படுத்தவும், உள்ளூர் சமூகத்தினரிடையே சகோதரத்துவத்தை வளர்க்கவும் முடியும்” என உள்ளுராட்சி மன்றம் நேற்று வெளியிட்ட அறிக்கையில் தெரிவித்துள்ளது.
அப்பகுதியைச் சேர்ந்த பொது மக்கள் மற்றும் வணிகர்கள் கலந்து கொண்ட இந்நிகழ்ச்சியில் சிங்க நடன நிகழ்ச்சிகள், பாரம்பரிய நடனங்கள் உள்ளிட்ட நிகழ்ச்சிக்களும் நடைப்பெற்றது. செழிப்பு மற்றும் செல்வத்தின் அடையாளமாக செக்சென் 52 ஐச் சுற்றியுள்ள பார்வையாளர்கள் மற்றும் வணிகர்களுக்கு ஆரஞ்சுகள் விநியோகிக்கப்பட்டது. முன்னதாக, ஜனவரி 28 அன்று சீனப் புத்தாண்டு கொண்டாட்டத்துடன் இணைந்து, எம்.பி.பி.ஜெ மாதம் 2,000 க்கும் குறைவான வருமானம் ஈட்டும் 50 குடும்பங்களுக்கு ரொக்கமாக RM250 வழங்கியது.
