ஷா ஆலம், மார்ச் 22: கடந்த வாரம் நான்கு இடங்களில் நடைபெற்ற மாநில அரசின் பரிவுமிக்க வணிக விற்பனைத் திட்டமானது கோழிகள் மற்றும் முட்டைகளுக்கான அதிக தேவையுடன் ஊக்கமளிக்கும் வரவேற்பைப் பெற்றது.
சிலாங்கூர் வேளாண்மை வளர்ச்சிக் கழகத்தின் (பிகேபிஎஸ்) கூற்றுப்படி, திட்டத்தின் இரண்டு நாட்களில் மொத்தம் 1,150 கோழிகளும், 1,300 தட்டு B வகை முட்டைகளும் விற்பனை செய்யப்பட்டன.
“சந்தையை விட விற்பனை விலை குறைவாக இருப்பதால், மக்கள் வந்து வாங்குகின்றனர். சந்தை விலையான RM12.70 உடன் ஒப்பிடும்போது, கிரேடு B முட்டைகள் ஒரு தட்டு 10 வெள்ளிக்கு விற்கப்படுகின்றன.
“ஒவ்வொன்றும் RM12 விலையில் நடுதரமான கோழி கிடைக்கும், ஆனால் வெளியே கிட்டத்தட்ட RM20 க்கு விற்கப்படுகிறது,” என்று அதன் தலைமை செயல் அதிகாரி டாக்டர் முகமது கைரில் முகமது ராஸியை தொடர்பு கொண்டபோது கூறினார்.
ஹரி ராயா பெருநாள் வரை அட்டவணையிடப்பட்ட திட்டம் முழுவதும் இவிரண்டு பொருட்களின் விநியோகமும் போதுமானதாக இருப்பதை பிகேபிஎஸ் உறுதி செய்யும் என்று அவர் விளக்கினார்.
முன்னதாக, பொருட்களின் விலை உயர்வைத் தொடர்ந்து மக்களின் சுமையைக் குறைக்கும் வகையில் மாநிலம் முழுவதும் 64 பகுதிகளை இலக்காகக் கொண்டு இவ்வியக்கம் முன் எடுக்கப் படுவதாக கூறினார்..
முட்டை மற்றும் கோழியைத் தவிர, விற்கப்படும் பிற பொருட்களில் ஒரு கிலோவுக்கு RM35 விலையுள்ள புதிய திடமான மாட்டு இறைச்சி, கானாங்கெளுத்தி அல்லது செலாயாங் (ஒரு பேக்கிற்கு RM8) மற்றும் சமையல் எண்ணெய் ஆகியவை அடங்கும்.
முன்னதாக, டத்தோ மந்திரி புசார் டத்தோ’ ஸ்ரீ அமிருடின் ஷாரி, மார்ச் 14-ஆம் தேதி வரை இந்தத் திட்டம் RM180,000 மொத்த விற்பனையைப் பதிவு செய்ததாகத் தெரிவித்தார்
