ஷா ஆலம், மே 9: சிலாங்கூரில் உள்ள நான்கு மாவட்டங்களில் இன்று மாலை வரை இடியுடன் கூடிய கனமழை பெய்யும் என்று கணிக்கப்பட்டுள்ளது.
சபாக் பெர்ணாம், கிள்ளான், கோலா லங்காட் மற்றும் சிப்பாங் ஆகிய பகுதிகள் பாதிக்கப்பட்டுள்ளதாக மலேசிய வானிலை ஆய்வு மையம் (மெட்மலேசியா) பேஸ்புக் மூலம் தெரிவித்துள்ளது.
பேராக், திரங்கானு, பகாங், புத்ராஜெயா,நெகிரி செம்பிலான், லாபுவான், சரவாக் மற்றும் சபா ஆகிய இடங்களில் மாலை 6 மணி வரை இந்நிலை ஏற்படும் என்று எதிர்பார்க்கப்படுகிறது.
மெட்மலேசியாவின் கூற்றுப்படி, இடியுடன் கூடிய மழைப்பொழிவு ஒரு மணி நேரத்திற்கு 20 மில்லிமீட்டர் (மிமீ/மணி நேரம்) அதிகமாக இருக்கும் என எச்சரிக்கைகள் விடுக்கப்படுகின்றன.
இடியுடன் கூடிய மழை முன்னறிவிப்பு என்பது ஒரு குறுகிய கால எச்சரிக்கையாகும், இது ஒரு வெளியீட்டிற்கு ஆறு மணிநேரத்திற்கு மிகாமல் இருக்கும்.
சமீபத்திய மற்றும் உண்மையான தகவல்களுக்கு பொதுமக்கள் www.met.gov.my என்ற இணையதளத்தைப் பார்க்கவும், சமூக ஊடகங்கள் மற்றும் myCuaca செயலியைப் பதிவிறக்கம் செய்ய அறிவுறுத்தப்படுகிறார்கள்.
