அணை உடைவதைத் தவிர்க்க மென்மையான மண்ணின் கட்டமைப்பை வலுப்படுத்த சிலாங்கூர் சிறப்பு உபகரணங்களைப் பயன்படுத்துகிறது

ஷா ஆலம், 24 நவ:  மென்மையான மண்ணில் அமைக்கப்பட்ட அணைகள் உடைவதை தடுக்க  அதன் கட்டமைப்பை வலுப்படுத்த மாநில அரசு சிறப்பு  உபகரணங்களைப் பயன்படுத்த உள்ளது.

புதிய முறை வெள்ளத்தைச் சமாளிக்கும் திறன் கொண்டது என்றும் சுங்கை லூய் மற்றும் சுங்கை புவா, உலு லங்காட் இடையே பல இடங்களில் கூட இம்முறை பயன்படுத்தப் பட்டுள்ளதாக உள்கட்டமைப்பு ஆட்சிக்குழு உறுப்பினர் தெரிவித்தார்.

“இப்போது இந்த முறை தஞ்சோங் காராங்கில் அணைகளுக்குப் பயன் படுத்தப்படுகிறது. இந்த சிறப்பு பெட்டிகள் அணையை பலப்படுத்த செங்கற்கள் போன்ற அமைக்கப்பட்டிருக்கும். இந்த மிதக்கும் பொருள், அணை உடைவதை தடுக்கும்.

“எனவே இது படிப்படியாக மென்மையான நிலப் பகுதிகளுக்கு விரிவுபடுத்தப்படும். மீண்டும் மீண்டும் அணை உடையும் சம்பவங்களைத் தவிர்ப்பதற்காக இது செய்யப்படுகிறது” என்று இஷாம் ஹாஷிம் இன்று இங்குள்ள சட்டசபை கட்டிடத்தில்  லாபியில் ஒரு செய்தியாளர் கூட்டத்தில் கூறினார்.

கடல் நீர் நிலத்தில் பெருக்கெடுத்து ஓடுவதைத் தடுக்க சாக்குகளைப் (ஜியோபேக்குகள்) பயன்படுத்துவதன் செயல் திறனையும் தனது கட்சி கவனித்ததாக அவர் கூறினார்.

நேற்று தஞ்சோங் காராங்கில் இரண்டு கடல் தடுப்பணைகள் உடைந்து, அதிக அலையின் நிகழ்வு காரணமாக அப்பகுதியை சுற்றி வெள்ளம் ஏற்பட்டது.