ஷா ஆலம், நவ 29: மாநில அரசு Hop-On Hop-Off (HOHO) இரட்டை அடுக்கு சுற்றுலா பேருந்துகள் ஜனவரி முதல் இயக்குகிறது.
முதல் கட்டமாக சிப்பாங் வழித்தடத்தை உள்ளடக்கிய சுற்றுலா பிரச்சாரங்களை மேம்படுத்துவதை நோக்கமாகக் கொண்டு முன் முயற்சி மேற்கொள்ளப்படுவதாக சுற்றுலாத்துறை ஆட்சிக்குழு உறுப்பினர் கூறினார்.
ஹீ லாய் சியானின் கூற்றுப்படி, காலை 9.30 மணி முதல் இரவு 10 மணி வரை இயக்கப்படும் பேருந்து இரண்டு வழிகளை உள்ளடக்கியது, முதலாவது சனிக்கிழமை சுங்கை பிலெக் மற்றும் சைபர் ஜெயா (ஞாயிறு).
“கோலாலம்பூர் சர்வதேச விமான நிலையத்தில் (KLIA) நீண்ட போக்குவரத்தை மேற்கொள்ள உள்ள உள்நாட்டு மற்றும் வெளிநாட்டு சுற்றுலாப் பயணிகள், அடுத்த விமானத்திற்குச் செல்வதற்கு முன் சிப்பாங்கைச் சுற்றியுள்ள பகுதியை சுற்றி பார்ப்பதற்காக, இந்தப் பேருந்தில் ஏறுவதை நோக்கமாகக் கொண்டுள்ளது.
” ஊக்கமளிக்கும் பதில் கிடைத்தால், இந்த பேருந்து வழித்தடம் கிள்ளான் மற்றும் பெட்டாலிங் ஜெயாவிற்கு மேலும் விரிவுபடுத்துவோம்,” என்று அவர் கூறினார்.
இன்று சட்டமன்ற துணைக்கட்டட லாபியில் Hop-On Hop-Off (HOHO) சுற்றுலா பேருந்து சேவைக்கான சுற்றுலா சிலாங்கூர் மற்றும் எல்என்எச் டூர் & டிரான்ஸ்போர்ட் எஸ்டிஎன் பிஎச்டி இடையே புரிந்துணர்வு ஒப்பந்தம் (MoU) நிகழ்வுக்குப் பிறகு அவர் இவ்வாறு கூறினார்.
பேருந்தில் பயணிக்க ஆர்வம் உள்ளவர்கள் www.selangor.travel மற்றும் கோ சிலாங்கூர் மொபைல் அப்ளிகேஷன் அல்லது பயண முகவர் ஹோட்டல் அல்லது KLIA மூலம் டிக்கெட்டுகளை பெறலாம்.
உள்ளூர் பெரியவர்களுக்கு RM50 மற்றும் RM40 (குழந்தைகள்) மற்றும் குடிமக்கள் அல்லாதவர்கள் RM80 (பெரியவர்கள்) மற்றும் RM70 (குழந்தைகள்) எனும் விலையில் ஒவ்வொரு வழிக்கும் டிக்கெட்டுகள் வழங்கப்படும்.
