கோலாலம்பூர், ஏப்.13: இஸ்லாம் கருணை மிக்கது மற்றும் அவதூறுகளை நிராகரிப்பதால், அவதூறு செய்வதை அன்றாடச் செயலாக கொண்டுள்ள நபர்கள், தங்களையும் சிதைத்து, சமூகத்தின் சிந்தனையைச் சேதப்படுத்துவதை, கைவிடுமாறு அறிவுறுத்தப் படுகிறார்கள்.
நிதியமைச்சர் முஹம்மது கமில் அப்துல் முனிமின் அரசியல் செயலாளர், ரம்ஜான் மற்றும் சியாவல் மாதங்கள் தொண்டு மற்றும் சிறந்த அணுகுமுறையால் நிரப்பப்பட வேண்டும் என்றார்.
மறுபுறம், நாட்டின் நன்மதிப்பை, உன்னத நிலைக்கு கொண்டு செல்வதில் உறுதியாக இருக்கும் பிரதமர் டத்தோ ஸ்ரீ அன்வார் இப்ராஹிம் மீது முடிவில்லாத வெறுப்பு கொண்ட சில நாயகர்கள் அவதூறான அரசியல் களியாட்டங்கள் நடத்தி, புனித ரம்ஜான் மாதத்தை கலங்கப் படுத்துகின்றனர் என்றார்.
“பொதுமக்களின் மனதை இட்டுக்கட்டப்பட்ட கதைகளாலும், ஜோடிக்கப்பட்ட சம்பவங்களை கொண்டு திரித்துவரும் அவர்கள். மக்களின் சாதுரியத்தை குறைத்து எடை போட்டு வருவது அவர்களின் அவசரத்தையும் , அறிவீனத்தையுத் காட்டுகிறது. மேலும் இது பிரதமர் மற்றும் மடாணி அரசாங்க நிர்வாகத்தின் மீது கலங்கத்தை கற்பிக்கவும் முயற்சிப்பது தெளிவாக தெரிகிறது.
” உண்மையாக அரசியல், சமய ஆளுமை கொண்டவர்கள் இதுபோன்ற அசிங்கமான நடைமுறைகளுடன் தொடர்போ அல்லது ஈடுபடவோ மாட்டார்கள். அப்படிப்பட்டவர்களின் சுய அறிவின் அளவு அதிகரிக்கப்பட வேண்டும், அது வயதுக்கு ஏற்ப வளர்ச்சிக் காண வேண்டும். ஆனால் குப்பை கம்பளிப்பூச்சிகளைப் போல கேலி செய்வது எளிது, ”என்று அவர் தனது முகநூல் பக்கத்தில் இன்று பதிவிட்டுள்ளார்.
பிரதமரின் உடல்நிலை குறித்து, அன்வாருக்கு நெருக்கமான நபர்களில் ஒருவரான முஹம்மது கமில், பிஸியான கால அட்டவணையால் பிரதமர் பணி அழுத்தப் பட்டாலும் நாட்டின் தலைவர் நன்றாக இருக்கிறார் என்று கூறினார்.
அவரைப் பொறுத்தவரை, அன்வர் போன்ற 76 வயது நபருக்கு, சில சமயங்களில் லேசான காய்ச்சல் அல்லது ஒவ்வாமை ஏற்படுவது இயல்பானது.
“இருப்பினும், அவரது விடாமுயற்சி, உற்சாகம், சாமர்த்தியம் மற்றும் வேலை செய்வதற்கான ஆற்றல், புத்திசாலித்தனம் ஆகியவற்றை கொண்டு தொடர்ந்து தனது சேவையை மேம்படுத்தி வருகிறார். அவர் வயதில் உள்ளவர்கள், அவரது வேலையின் வேகத்தை எட்டுவதற்கு சிரமப்படுகிறார்கள். அவரை விட மிகவும் இளையோர்களும் கூட சில நேரங்களில் பிரதமரின் தனியாற்றலுடன் ஒப்பீட்டளவில் பின் தங்குகிறார்கள்.
“நாட்டை மாற்றுவதற்கான தனது உறுதியிலிருந்து அவர் அசையவில்லை, அந்த மாற்றம் நேரம் எடுத்தாலும், விமர்சனங்களைப் பெற்றாலும், அவை புறந்தள்ள வேண்டிய சாடலாகும்,” என்று அவர் கூறினார்.
நேர்மையான விமர்சகர்களுக்கு முடிந்தவரை இடம் கொடுக்க, அவதூறு செய்பவர்களுக்கு எதிராக ராயல் மலேசியன் காவல்துறையை (PDRM) செயல்பட முஹம்மது கமில் வலியுறுத்தினார், ஏனெனில் ஜனநாயக உரிமைகளில் அவதூறு மற்றும் பொறியியல் நடைமுறைகள் இல்லை.
