ஷா ஆலம், ஜூன் 8: சிலாங்கூரில் உள்ள இரண்டு பொது சுகாதாரக் கிளினிக்குகள் இன்று முதல் வார இறுதி நாட்கள் மற்றும் பொது விடுமுறை நாட்கள் உட்பட ஒவ்வொரு நாளும் கூடுதல் நேரச் சேவையை வழங்குகின்றன.
அவை அம்பாங் ஹெல்த் கிளினிக் (உலு லங்காட் மாவட்ட சுகாதார அலுவலகம்) மற்றும் தாமான் எஹ்சான் ஹெல்த் கிளினிக் (கோம்பாக் மாவட்டச் சுகாதார மையம்) எனச் சுகாதார மையங்கள் ஆகும் என்று சிலாங்கூர் மாநில சுகாதாரத் துறை (ஜேகேஎன்எஸ்) தெரிவித்துள்ளது.
அந்த இரண்டு கிளினிக்குகளும் திங்கள் முதல் வெள்ளி வரை காலை 8 மணி முதல் இரவு 9 மணி வரை செயல்படும்.
சனி, ஞாயிறு மற்றும் பொது விடுமுறை நாட்களிலும் அந்த இரு சுகாதார நிலையங்களும் காலை 9 மணி முதல் இரவு 9.30 மணி வரை செயல்படும்.
முன்னதாக மார்ச் 10 ஆம் தேதி, மருத்துவமனை அவசர சிகிச்சைப் பிரிவுகளில் நெரிசலைக் குறைக்க நாடு முழுவதும் உள்ள 52 சுகாதார கிளினிக்குகளின் இயக்க நேரத்தை இரவு 9.30 மணி வரை நீட்டிப்பதாக மலேசியச் சுகாதார அமைச்சகம் (KKM) அறிவித்தது.
இம்முயற்சியை வெற்றியடையச் செய்ய தனியார் பொது மருத்துவ கிளினிக்குகள் (GPs) மற்றும் ஒப்பந்த மருத்துவர்கள் இணைந்து பணியாற்றுவதையும் சுகாதார அமைச்சகம் ஊக்குவிக்கிறது.
