ஷா ஆலம், மார்ச் 2 – உலு சிலாங்கூர், கோம்பாக் மற்றும் உலு லங்காட் மாவட்டங்களில் இன்று பிற்பகல் இடியுடன் கூடிய கனமழை மற்றும் பலத்த காற்று வீசும் என்று மலேசிய வானிலை ஆய்வு மையம் (மெட்மலேசியா) கணித்துள்ளது.
பிற்பகல் 2.10 மணிக்கு வெளியிடப்பட்ட அறிக்கையில், வலுவான வானிலை இன்று மாலை 6 மணி வரை நீடிக்கும். தீபகற்பத்தில் உள்ள மேலும் பல இடங்களும் பாதிக்கப்பட்டுள்ளன.
“பேராக்கைப் பொறுத்தவரை, கோலா கங்சார், கிந்தா, கம்பார், பத்தாங் பாடாங் மற்றும் தஞ்சோங் மாலிம் ஆகிய பகுதிகள் பாதிக்கப்பட்டுள்ளன. மற்ற மாநிலங்களில் (முழு) மலாக்கா, பகாங் (கேமரன் மலை மற்றும் பெந்தோங்) கோலாலம்பூர் கூட்டரசு பிரதேசம்,, நெகிரி செம்பிலான் (ஜெலுபு, சிரம்பான், போர்ட் டிக்சன் மற்றும் ரெம்பாவ்) அத்துடன் ஜோகூர் (தங்காக், மூவார், பத்துப் பகாட், குளுவாங், பொந்தியன், கூலாய் மற்றும் ஜோகூர் பாரு)” என்று மெட்மலேசியா கூறியது.
கிழக்கு மலேசியாவில் சரவாக்கின் ஸ்ரீ அமான், பெந்தோங், சரிகேய் (பாகன் மற்றும் ஜூலாவ்), சிபு (கனோவிட் மற்றும் செலாங்காவ்), கபிட், பிந்துலு (தாவாவ் மற்றும் சிம செபாவ்) மற்றும் லிம்பாங் உள்ளிட்ட பகுதிகள் பாதிக்கப்படும்.
“சபாவைப் பொறுத்தவரை, பெண்டாலமன் (கோலா பென்யு, பியூஃபோர்ட் மற்றும் தம்பூனான் ), பந்தாய்ப் பாராட், தவாவ் (லகாட் டத்து), சாண்டகன் (தெலுபிட், கினாபத்தங்ஹான், பெலூரன் மற்றும் சண்டகான்) ஆகியவை வலுவான வானிலையால் பாதிக்கப்பட்ட பகுதிகளில் அடங்கும்.
“லாபுவான் கூட்டாட்சி பிரதேசமும் பாதிக்கப்படும். கிழக்கு மலேசியாவின் அனைத்து இடங்களும் இன்று மாலை 7 மணி வரை வலுவான வானிலையை அனுபவிக்கும்” என்று அது கூறியது.
20 மிமீக்கு மேல் மழை தீவிரம் கொண்ட இடியுடன் கூடிய மழை பெய்யும் என அறிகுறிகள் தெரிவிக்கும் போதெல்லாம் மெட்மலேசியா எச்சரிக்கைகளை வெளியிடுகிறது.
